ZOEZI LA MAOMBI YA PASIPOTI LINAENDELEA MJINI NAPOLI

Maofisa wa Uhamiaji kutoka Dar Es Salaam na Zanzibar wameanza zoezi la kupokea maombi ya pasipoti kutoka kwa Watanzania waliopo Italy. Maofisa hao wanategemewa kuelekea Turkey na Greece,kwa ajili hiyo hiyo. Haya ni matunda ya Kamati ya Diaspora ilyokutana na Mh Balozi James Alex Msekela, mwezi juni mwaka huu. Kamati ilikutana na balozi na maofisa wa juu wa kibalozi kwa ajili ya kutambulisha kamati na uongozi wake,na pia kuwakilisha kero na matatizo ya watanzania wanaoishi Italy kwa jumla. Mkutano huo uliisha kwa mafanikio makubwa. Kwa hiyo haya ni matokeo ya uchapa kazi wa kweli wa mh Balozi, kwani katika mapumziko yake nchini Tanzania mwezi August alitumia muda wake kukutana na Kamishna wa Uhamiaji Tanzania kujadili suala la matatizo ya Pasipoti kwa watanzania wa Maeneo ya uwakilishi wake.

Source: JUMUIYA YA WATANZANIA ITALIA (JUWATAI) http://watanzaniaitalia.blogspot.it/2014/11/zoezi-la-maombi-ya-pasipoti-linaendelea.html?spref=fb