Na Mwandishi Maalum (Eric Kabendera)
HATIMAYE dawa ya rushwa kwenye uchaguzi sasa inakaribia kupatikana baada ya Waziri Mkuu Mizengo Pinda kutangaza kuwa, muswada wa sheria ya kudhibiti kero hiyo utawasilishwa kwenye mkutano ujao wa Bunge la Jamhuri ya Muungano mwezi Oktoba.
Akizungumza na wakazi wa kijiji cha Ndedo wilayani Kiteto juzi, Waziri Pinda alisema mbali na muswada huo, serikali inaandaa muswada wa kutenganisha siasa na biashara ili uwasilishwe bungeni sambamba na muswada wa sheria ya rushwa ya uchaguzi.
“Tunataka kuwa na mfumo wa kisheria ambao utadhibiti rushwa katika chaguzi na huu unatarajiwa kuwasilishwa bungeni kwenye mkutano ujao au utakaofuata,” alisema.
Waziri Mkuu Pinda, ambaye leo yuko katika siku ya tatu ya ziara yake mkoani Manyara, alisema rushwa ni rushwa na haina itikadi wala chama na hivyo itashughulikiwa kote.
“Rushwa isionekane iko kwa CCM tu, hata kwa wapinzani kuna rushwa,” alisema Waziri Pinda, ambaye juzi alitoa tamko kuwa mafisadi wote kuanzia ngazi za chini watimuliwe.
Alionya kuwa kupitishwa kwa sheria hiyo kutawabana watu wote......
Kwa habari zaidi click kwenye kicha cha habari...
No comments:
Post a Comment