WASANII WA BONGO FLAVA KIDOGO KIDOGO WANAANZA KUFIKIA MALENGO YAO

Mziki wa bongo flava ambao ulianza kusikika nchini Tanzania katikati ya miaka ya 90, sasa hivi umeweza kupiga hatua kubwa na kupata mashabiki wengi sio tu ndani ya nchi, bali hata nje ya Tanzania. Wakati mziki huu ulipokuwa unaanza, watu wengi waliuchukulia kama ni mziki wa kiuni na upoteshao nidhamu kwa vijana. Sasa hivi, mziki huu umekuwa moja ya vitu ambavyo vinachangia kwa asilimia kubwa sana kuitangaza nchi yetu ya Tanzania. Mziki huu huu ambao ulikuwa ukipingwa sana na wazee kipindi unaanza kusambaaa, wazee hao hao sasa hivi ingawa sio wote, wanaupenda na kuuthamini! Mziki huu kwa kipindi hichi ambapo dunia inakabiliwa na muanguko wa uchumi,ndio unawapa vijana ajira. Kwa maana nyingine, badala ya vijana kukaa vijiweni bila kazi, vijana ujishughulisha na huu mziki. Katikati ya miaka hiyo ya tisini ni watu wachache tu ambao walifikiria kama mziki huu ungeweza kumfanya msanii ajenge nyumba na kuwa na mali nyingi ambazo zimetokana na jasho lao hawa wanamuziki. Mara nyingi wanamuziki hawa wa bongo flava wanatengeneza hela zao kupitia uuzaji wa album zao, ufanyaji wa concerts na wengine waliobahatika uingia mkataba na mashirika kufanya matangazo, japo wanakumbwa na challenge kubwa ambazo zinawarudisha nyuma kama vile utapeli wa mapromota na swala zima la Haki Miliki! Enjoy Show ya Msanii ambaye kwa sasa ni Top nchini Tanzania, Diamond Platnumz Akiwa kwenye Big brother (Reality Show) nchini South Africa.