Baba Mtakatifu Benedikto wa kumi na sita katika mahubiri ya kumtangaza Mtumishi wa Mungu Yohane Paulo wa pili kuwa Mwenyeheri, Mei, Mosi, 2011 anasema, miaka sita iliyopita wakati wa mazishi ya Baba Mtakatifu Yohane Paulo wa pili, watu wengi walijawa na machozi na simanzi kuu, lakini walifarijika kutokana na neema ya Mungu iliyojionesha kwa namna ya pekee katika mji wa Roma na ulimwengu kwa ujumla, kutoka na ushuhuda wa mateso katika hija ya maisha ya mwanadamu; akaonesha pia utakatifu wa maisha.
Kutokana na sababu hizi msingi, kwa kuzingatia sheria na kanuni za Kanisa, mchakato wa kumtangaza Mtumishi wa Mungu Yohane Paulo wa pili kuwa Mwenyeheri umekwenda kwa haraka katika kipindi cha miaka sita tu, tangu alipofariki dunia, kwani ilimpendeza Bwana, Yohane Paulo wa pili kutangazwa kuwa ni Mwenyeheri.
Baba Mtakatifu Benedikto wa kumi na sita, aliwashukuru viongozi wa Kanisa, Serikali, Jumuiya ya Kimataifa, waamini na watu wote wenye mapenzi mema, waliofurika mjini Vaticaan kushuhudia tukio hili la kihistoria, bila kuwasahau wote waliokuwa wamejiunga naye kwa njia ya vyombo vya mawasiliano ya jamii.
Source: Radio Vatican
No comments:
Post a Comment