Jumuiya ya Watanzania Roma
Tunapenda kuwashukuru kwa mwaliko wa kushiriki kwenye sherehe ya muungano wa Tanzania. Tumezingatia mabadiliko ya tarehe. Tunawahakikishia uwepo wa uwakilishi wetu katika sku hiyo.
Aidha tunapenda pia kuwaalika katika Kikao chetu cha mwaka keshokutwa Jumapili 15.04.2011, kitakachokuwa na malengo matatu:- 1.Kuuenzi muungano wa Taifa letu la Tanzania kama ilivyo kawaida yetu. 2. Kumshukuru Mungu kwa kupata mashemasi wapya, Celestine Nyanda na Patience Nahondi. 3. Kuwaombea na kuwaaga wanafunzi wanaomaliza masomo yao. Kikao hiki kitaanza saa 4:00 asubuhi na kitafanyikia kwa Wamissionari wa Bikira Maria wa La Salette, katika nyumba yao kuu inapatikana Piazza Madonna della salette, 3.
NAMNA YA KUFIKA:-
Kwa wanaotoka maeneo ya Cornelia wachukue basi namba 791 watelemke kituo kinaitwa San Giovanni di Dio, Piazza san Giovanni di Dio. Ukiwa kwenye Piazza ukiangalia mbele yako utaona mnara wa kanisa. Uje hapo utapokelewa.
Kwa wanaotoka maeneo ya Stazione Termini wachukue basi namba H watelemke kituo kinaitwa San Giovanni di Dio, Piazza san Giovanni di Dio. Ukiwa kwenye Piazza ukiangalia mbele yako utaona mnara wa kanisa. Uje hapo utapokelewa.
Kwa wanaotoka maeneo ya Laterani wachukue basi namba 3 watelemke Stazione Trastevere kisha wachukue tram namba 8 watelemke kituo kinaitwa San Giovanni di Dio, Piazza san Giovanni di Dio. Ukiwa kwenye Piazza ukiangalia mbele yako utaona mnara wa kanisa. Uje hapo utapokelewa.
Kwa wanaotoka maeneo ya largo Argentina wachukue basi tram namba 8 watelemke kituo kinaitwa San Giovanni di Dio, piazza san Giovanni di Dio. Ukiwa kwenye Piazza ukiangalia mbele yako utaona mnara wa kanisa. Uje hapo utapokelewa.
Kwa wanaotoka maeneo ya Vatican wachukue kutoka kituo cha mabasi cha Hospitali ya Santo Spirito basi namba 870 watelemke kituo kinaitwa Zambareli. Warudi nyuma mita 10 na kufuata barabara iliyo kulia kwao mpaka mwisho ukiangalia mbele yako utaona mnara wa kanisa la Parokia della Madonna della Salette. Uje hapo utapokelewa.
Pamoja na mazingira ya kuchelewa kuwaalika, ambayo tunaomba mtukalie radhi, tunasema Karibuni sana.
Padre Emmanuel Nyaumba
katibu
No comments:
Post a Comment